Monday 24 December 2012

குயிலக்கா

உதயசங்கர்indian_cuckoo_0008

குயிலக்கா குயிலக்கா

எங்கே போனீங்க?

உங்க குரலைக்கேட்க

நானுந்தான் ஏங்கிப் போனேங்க!

குட்டிப்பாப்பா குட்டிப்பாப்பா

கெட்டிக்காரக் குட்டிப்பாப்பா

தங்கி வாழ மரமில்லாமல்

தவித்துப்போனேனே

தங்கமான உன் நினைவு வந்து

பார்க்க வந்தேனே!

குயிலக்கா, குயிலக்கா

குக்கூக்கூ குயிலக்கா

குட்டியான செடியொண்ணு

நான் வளக்கேனே

அது மரமான பின்னாலே

உனக்குத் தருவேனே!

குட்டிப்பாப்பா குட்டிப்பாப்பா

பொன்னான குட்டிப்பாப்பா

நல்ல வார்த்தை நீயும் சொன்னாய்

நம்பிக்கை மலர வைத்தாய்

குக்கூக்கூ குயில்கள் எல்லாம்

உன் மரத்திலே நாளை

ஒன்று சேர்ந்து கூடி வாழுமே!

1 comment:

  1. வாவ்! சூப்பர்,சூப்பர்.

    ReplyDelete