உதயசங்கர்
ஒரு போதும் ஒரு வார்த்தையும்
உதிர்க்காமல் உறைந்திருப்பதற்கு
ஒரு வார்த்தையேனும் பேசுங்கள்
ஒரு போதும் ஒரு செயலும்
செய்யாது வாளாவிருப்பதை விட
ஏதையேனும் செய்யுங்கள்
ஒரு போதும் ஒரு கனவும்
காணாது உறங்குவதை விட
ஒரு கனவையேனும் காணுங்கள்
ஒரு போதும் ஒருவரையேனும்
காதலிக்காதிருப்பதை விட
ஒரு முறையேனும் காதலியுங்கள்
ஒரு போதும் கருணைநதியில்
கை நனையாதிருப்பதை விட
ஒரு முறையேனும் காருண்யம் செய்யுங்கள்
ஒரு போதும் ஒரு துளிஅன்பையும்
யார் மீதும் வைக்காதிருப்பதை விட
ஒரு முழக்கயிற்றில் தொங்கி விடுங்கள்
உலகம் பிழைக்கட்டும்.
No comments:
Post a Comment