யாரும் யாரும்

உதயசங்கர்

யாரும் காணாத ஒரு கனவில்

யாரும் கேட்காத ஒரு இசை

யாரும் சொல்லாத ஒரு சொல்லில்

யாரும் படைக்காத ஒரு படைப்பு

யாரும் உண்ணாத ஒரு விருந்தில்

யாரும் தின்னாத ஒரு பண்டம்

யாரும் நுகராத ஒரு மணமுள்ள மலரில்

யாரும் காணாத ஒரு வண்டு

யாரும் செய்யாத ஒரு காதலில்

யாரும் தொடாத ஒரு ஸ்பரிசம்

யாரும் பார்க்காத ஒரு காலத்துகளில்

யாரும் மரணிக்காத ஒரு மரணம்

யாரும் இல்லாத பெருவெளியில்

யாரும் யாருமற்ற நான்.